Субаш урта мәктәбе үз укучыларын яңа уку елына каршы алырга әзер дисәк тә була. Техник хезмәткәрләр бик тырышып актлар залын яңарта, мәктәпне яктырта. Укучыларыбыз да җәй буе мәктәпне онытмый. Мәктәп бакчасында яшелчә үстерә, су сибә, чүп утый. Авылда су юклыгын да исәпкә алсак, быел яшелчәләр бөтенләй үсәргә тиеш түгел иде кебек. Әмма колхоз җитәкчесенең мәктәп хәлен яхшы аңлавы, трактористларыбызның сүз тыңлавы нәтиҗәсендә, яшелчәләребез су кытлыгы кичермәде. Моннан соң да шулай булыр дип ышанып калабыз.